Dativo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo caso dativo (tamién dito tercer caso) s'aplica a sustantivos y pronombres. Este caso marca por un regular lo complemento indirecto, por lo que se fa servir pa expresar la persona u cosa que recibe lo danyo u proveito de l'acción verbal.

D'esta traza respone a las preguntas: "a qui?", "pa qui?", formulatas a lo verbo. Por eixemplo "lo nino escribe una cara a l'amigo suyo". Por a mes bi ha atros emplegos como lo de posesión, como por eixemplo en latín, sobre tot en latín vulgar.

Lo suyo nombre vien de lo latín DATIVUS, de lo verbo DARE ("dar"). Lo suyo emplego yera común en los primeros idiomas indoeuropeus y contina estando-ne en lumerosas luengas indoeuropeas como las eslavas, las baltas y las chermanicas. Luengas no indoeuropeas que emplegan este caso con formas pareixitas son las uralicas, l'idioma nabaho y lo chaponés.

En aragonés se troba encara en los pronombres personals:

• me, te, li/le, nos/mos, vos/tos, lis/les.

En aragonés bi n'ha un emplego, de los pronombres personals, dito dativo d'intrés:

• me lo cosira.
• este zagal m'estudeya muito.
• apunta-me a qui charre.

Lo caso dativo latín de la declinación d'un sustantivo ye fosilizato en la palabra otri: triballa pa otri.